----------

Imo puno vrimena,
otkad zodnji son put te vidila.
Pari mi se ko da su godišća pasala.
A evo baš danas u tvojon koli son se nošla
i tebe, cilega u priši, slučajno skontrala..

Ni pogleda me nis..ko da ne postojin.
Mislila son da ces stat, bar me pozdravit.
I dok je meni sarce iskočit iz parsih tilo,
ti somo si paso, ko da među namin nikad ništa ni bilo..

Ko da si zaboravi,
sve lipo ča si mi govori
tamo, u škurici,
one teple, litnje noći..

Ko da si zaboravi,
koliko si somo kafih
s menon na rivi svih tih godišć popi..

Ko da si zaboravi da si mi obećo
da čekat ćeš me sve
dok se iz bilega svita ne vrotin doma..

Ko da si zaboravi
da si me voli,
i da san jo još veće tebe volila..